पुणे : भरधाव पाण्याच्या टँकरने धडक दिल्याने एका दुचाकीस्वार तरुणाचा मृत्यू झाला. ही घटना मुंढव्यातील केशवनगर भागात रविवारी (ता. २८) मध्यरात्री घडली. अथर्व संजय कुंभार (वय २५, रा. केशवनगर, मुंढवा) असे मृत्युमुखी पडलेल्या तरुणाचे नाव आहे. या प्रकरणी अमन विनोद चौधर (वय २३) याने फिर्याद दिली आहे. त्यावरून टँकरचालक संतोष शिवसेवक सिंह (वय ३२, रा. केशवनगर, मुंढवा) याच्याविरुद्ध मुंढवा पोलिस ठाण्यात गुन्हा दाखल केला आहे.

पोलिसांनी दिलेल्या माहितीनुसार, अथर्व त्याचा मित्र अमन याच्यासमवेत रविवारी मध्यरात्री साडेबारा वाजण्याच्या सुमारास केशवनगर भागातून दुचाकीवरून जात होता. रेणुकामाता मंदिरापासून तीनशे ते चारशे मीटर अंतरावर टँकरने अथर्वला समोरून धडक दिली. या अपघातात अथर्व गंभीर जखमी झाला. त्याला तातडीने रुग्णालयात दाखल करण्यात आले. परंतु त्याचा उपचारापूर्वीच मृत्यू झाला. मुंढवा पोलिसांनी टँकरचालकास अटक केली आहे. पुढील तपास पोलिस उपनिरीक्षक महादेव लिंगे करीत आहेत.