पिंपरी : रहाटणी येथील गणेश बँकेला लागलेल्या आगीत कागदपत्रे जळून खाक झाली. ही घटना शनिवारी (ता.२४) पहाटे पाचच्या सुमारास घडली.

अग्निशामक दलाच्या सूत्रांनी दिलेल्या माहितीनुसार, शनिवारी पहाटे ४.५७ वाजता संजय बाईत या नागरिकाने अग्निशामक दलास आगीची वर्दी दिली. त्यानुसार रहाटणी अग्निशामक उपकेंद्राचा एक बंब घटनास्थळी दाखल झाला. त्यांनी अवघ्या काही मिनिटांत आगीवर नियंत्रण मिळविले. तोपर्यंत बँकेची चलन व इतर कागदपत्रे जळून खाक झाली. शॉर्टसर्किटमुळे ही आग लागल्याचे अग्निशामक दलाच्या सूत्रांनी सांगितले.
 बँकेच्या वर निवासी इमारत असल्याने येथील रहिवाशांमध्ये आगीमुळे एकच घबराट उडाली.

अग्निशामक दलाचे भाऊसाहेब धराडे, नारायण तापकीर, शिवाजी ताकवले, मोहन चव्हाण, विकास नाईक यांच्या पथकाने ही कामगिरी केली.