पुणे - महाराष्ट्र आरोग्य विज्ञान विद्यापीठाच्या वैद्यकीय पदव्युत्तर पदवी अभ्यासक्रमाच्या परीक्षा 15 ते 22 जून या कालावधीत घेणार असल्याचे विद्यापीठाचे कुलगुरू डॉ. दिलीप म्हैसेकर यांनी सांगितले आहे. 

बातम्या ऐकण्यासाठी डाऊनलोड करा ई-सकाळचे ऍप

आरोग्य विज्ञान विद्यापीठाच्या संलग्न महाविद्यालयातील वैद्यकीय पदव्युत्तर पदवी अभ्यासक्रमाच्या उन्हाळी सत्रासाठी एम.डी., एम.एस., डिप्लोमा, एम.एस्सी या अभ्यासक्रमांसाठी 12 मे पासून पुढे परीक्षा घेणार असल्याचे यापूर्वी जाहीर केले होते. परंतु, सद्य: परिस्थिती लक्षात घेऊन वैद्यकीय शिक्षण मंत्री अमित देशमुख यांच्या सूचनांप्रमाणे वैद्यकीय पदव्युत्तर पदवी अभ्यासक्रमाच्या परीक्षांच्या वेळापत्रकात बदल केला आहे.

coronavirus:   किराणा हवा आहे... फक्त क्‍लिक करा!

कोरोना विषाणूच्या संसर्गास अटकाव करण्यासाठी विविध उपाययोजना करण्यात येत असून रूग्णसेवेसाठी पदव्युत्तर अभ्यासक्रमातील विद्यार्थ्यांची मदत होणार आहे. या अनुषंगाने मे महिन्यातील सत्र परीक्षा पुढे ढकलली असल्याची माहिती विद्यापीठाने दिली आहे. तसेच, विद्यापीठाने सत्र-दोनच्या उन्हाळी परीक्षेसाठी विनाविलंब शुल्कासह अर्ज करण्यासाठी 5 मे पर्यंतची मुदतवाढ दिली आहे. विलंब शुल्कसह 8 मे आणि अतिविलंब शुल्कासह 12 मे पर्यंत विद्यार्थ्यांना अर्ज करण्यासाठी मुदतवाढ दिली आहे. 

coronavirus: कोई ताजा हवा चली है अभी...

सुधारित वेळापत्रकानुसार अशी होईल परीक्षा : 
पेपर : तारीख 
पेपर- 1 : 15 जून 2020 
पेपर- 2 : 17 जून 
पेपर- 3 : 19 जून 
पेपर- 4 : 22 जून 
(वेळ : सकाळी 11 ते दुपारी 2 वाजेपर्यंत) 
* अधिक माहितीसाठी संकेतस्थळ : www.muhs.ac.in