ओतूर : पिंपळगाव जोगा ता.जुन्नर गावच्या हद्दीत नगर-कल्याण महामार्गावर लझरी बस व कारचा मोठा अपघात झाला असून या अपघातात दोन महिला गंभीर जखमी होऊन ठार झाल्या आहेत तर पाच जण गंभीर जखमी असून चार पाच किरकोळ जखमी झाले असल्याची माहिती सहायक पोलीस निरीक्षक एल.जी.थाटे यांनी दिली.

सदर अपघात रविवारी सकाळी आठ वाजे दरम्यान झाला नगर-कल्याण महामार्गावर पिंपळगाव जोगा गावच्या हद्दीत झाला असून यात भाग्यश्री साहेबराव गायकर वय.१८ रा.कळंब ता.अकोले जि. अहमदनगर व तीची मावशी कुसुम मारूती शिंगोटे वय.५५ रा.बदगी बेलापूर ता.अकोले जि.अहमदनगर हे गंभीर जखमी होऊन ठार झाले आहे.

तर साहील साहेबराव गायकर वय.२२,साहेबराव रामदास गायकर वय.४२,सविता साहेबराव गायकर वय.३८ सर्व रा.कळंब ता.अकोले जि. अहमदनगर,सुनिता कारभारी हाडवळे वय.५७ रा.लिंगदेव ता.अकोले जि.अहमदनगर व लझरी बस मधील क्लिनर समोर सुमीदर दास वय.४० रा.प्रेमनगर ,बंगुर नगर,गोरेगाव ईस्ट मुंबई,पो.मोतीलाल नगर,

मुंबई हे पाच जण गंभीर जखमी झाले व इतर चार ते पाच प्रवासी किरकोळ जखमी झाले आहे.सदर अपघाताची खबर लझरी चालक धनंजय स्वपन दास वय.२६ रा.रा.प्रेमनगर ,बंगुर नगर,गोरेगाव ईस्ट मुंबई,पो.मोतीलाल नगर,मुंबई यांनी ओतूर पोलीसात दिली.

या अपघाताचा बाबत मिळालेली माहिती अशी की नगर-कल्याण महामार्गावरून गायकर कुटुंब ब्रिझा कार (क्र.एम एच ४३ सी जी २९१३) ने गावा वरून माळशेज मार्गे मुंबई येत चालले होते.तर लझरी बस क्र.एम एच ४७ बी एल ४२५१ ही बस कल्याण कडून माळशेज मार्गे आळेफाटा बाजू कडे येत होती.पिंपळगाव जोगा गावच्या हद्दीत नगर कल्याण महामार्गावर ओव्हरटेक करताना कार ची लझरी बस ला धडक होऊन अपघात झाला.

सदर अपघाता नंतर पिंपळगाव जोगा गावातील तरूणानी अपघात ग्रस्ताना मदत केली.तसेच पिपंळगाव जोगा,डिंगोरे व डुंबरवाडी येथिल रूग्णवाहीकाही हजर झाल्या आणी ओतूर पोलीस ठाण्यातील पोलीस पथक ही हजर झाले.

या अपघातात कारमधील एक तरूणी व एक महिला जागीच ठार झाली तर इतर जखमी झाले. जखमीना आळेफाटा येथील खाजगी रूग्णालयात दाखल करण्यात आले. यावेळी ओतूर पोलीसांनी स्थानिक नागरीकाच्या सहायाने अपघाता ग्रस्ताना मदत केली.तसेच दोन्ही अपघात ग्रस्त गाड्या महामार्गावरून बाजूला काढून वाहतूक सुरळीत सुरू केली.