पुणे : शहरात कोरोनाबाधितांची संख्या वाढत असली, तरी परिस्थिती पूर्णतः नियंत्रणात आहे. त्यामुळे शहरात पुन्हा लॉकडाउन करणे योग्य नाही, अशा शब्दात महापौर मुरलीधर मोहोळ यांनी मंगळवारी विरोध केला .आरोग्यमंत्री राजेश टोपे यांनी कोरोना बाधितांची संख्या वाढत असलेल्या शहरांमध्ये लॉकडाउन करण्याबाबतचे संकेत काल दिले होते. या पार्श्वभूमीवर महापौर मोहोळ यांनी लॉकडाउनला विरोध केला. ते म्हणाले, ‘‘कोरोनाबाधित रुग्णांची वाढती संख्या लक्षात घेता टाटा व आयसर या संस्थांच्या सर्व्हेनुसार, सध्या आपण जे निर्बंध लावले आहेत. त्याची अधिक कडक अंमलबजावणी करणे आता गरजेचे बनले आहे. या निर्बंधांमध्ये आणखी वाढ करण्यात येईल परंतु पूर्णतः: लॉकडाउन हा त्यावरील मार्ग नाही.’’

शहरातील रुग्णवाढीच्या पार्श्वभूमीवर महापालिका तीन आघाडीवर काम करणार आहे. यात सक्षम आरोग्य यंत्रणा उभारून, रुग्णांना बेडची उपलब्धता करून देणे, जास्तीत जास्त संशयित व्यक्तींची तपासणी करणे याचबरोबरच निर्बंधांची कडक अंमलबजावणी करून अधिकचे निर्बंध आणणे व लसीकरणाचा वेग वाढविणे यांचा समावेश असल्याचे मोहोळ यांनी सांगितले.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

 पुणे शहरातील कोरोना दिवसभरातील स्थिती
पुणे शहरात काल(ता.23) दिवसभरात 11310 रुग्णांची कोरोना चाचणी झाली त्यापैकी एकूण 3098 कोरोना रुग्ण पॉझिटिव्ह आढळले आहेत. 22 रुग्णांचा मृत्यू झाला तर 1698 कोरोना रुग्णांना डिचार्ज मिळाला आहे.