पुणे - प्रशिक्षणार्थी आयएएस अधिकारी पूजा खेडकर यांना केंद्र सरकारच्या कर्मचारी आणि प्रशिक्षण विभागाने कारणे दाखवा नोटीस बजावली आहे. खेडकर यांच्यावर करण्यात आलेल्या आरोपांबाबत त्यांनी दोन ऑगस्टपर्यंत समक्ष येऊन लेखी खुलासा करावा, असे नोटिशीत म्हटले आहे.
खेडकर यांची जिल्हाधिकारी कार्यालयात प्रशिक्षणार्थी आयएएस अधिकारी म्हणून नियुक्ती केली होती. या कालावधीत जिल्हाधिकारी डॉ. सुहास दिवसे यांनी छळ केल्याचा आरोप खेडकर यांनी केला होता. याबाबत खेडकर यांनी वाशीम पोलिसांत तक्रार दिली होती. वाशीम पोलिसांनी ती तक्रार पुणे पोलिसांकडे वर्ग केली. याबाबत जबाब नोंदविण्यासाठी पुणे पोलिसांनी खेडकर यांना तीनदा समन्स बजावले आहे.
परंतु त्या अद्याप हजर झालेल्या नाहीत. दरम्यान, जिल्हाधिकारी डॉ. दिवसे यांनी खेडकर यांच्याबाबतचा अहवाल राज्य सरकारकडे पाठविला होता. खेडकर यांनी त्यांच्यावरील आरोपाबाबत लेखी खुलासा करावा, अशी नोटीस केंद्र सरकारच्या कर्मचारी आणि प्रशिक्षण विभागाने बजावली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.