बारामती, ता. ३० : नीरा डावा कालव्याचे आवर्तन बंद झाल्याने आणि आगामी पंधरा दिवस पुरेल इतका पाणीसाठा असल्याने बारामती शहराला पुढील सूचना मिळेपर्यंत एक दिवसाआड पाणीपुरवठा केला जाणार आहे. बारामती नगरपालिकेच्या सूत्रांनी ही माहिती दिली.
शुक्रवारी (ता. ३१) बारामती शहराला पाणीपुरवठा होणार नाही तर १ जून रोजी पाणीपुरवठा केला जाईल, अशा प्रकारे नीरा डावा कालव्याचे आवर्तन पुन्हा सुरळीत होईपर्यंत एक दिवसाआड पाणीपुरवठा केला जाणार आहे. बारामतीकरांनी पाण्याचा जपून वापर करावा असे आवाहन नगरपालिकेच्या वतीने करण्यात आले आहे.