खडकी बाजार (पुणे) : महिलांना घरातील कामे करून उरलेल्या वेळात घरात बसून काम करून आपल्या संसारात हातभार लावण्याची संधी महिलांनी महिलांसाठी "स्पर्श' संस्थेच्या माध्यमातून उपलब्ध करून दिली आहे. ज्यामध्ये गादी शिवणे, डाळी, मसाला, रांगोळी इत्यादी वस्तू पॅकिंगचा व्यवसाय महिलांना उपलब्ध करून देणार आहे. यासाठी कोणतेही भांडवल लागणार नसून मशिनरी सुद्धा संस्था महिलांना उपलब्ध करून देणार आहे. त्यामुळे घरगुती महिलांसाठी ही आनंदाची पर्वणी ठरत आहे. 

पुण्यात कोरोना रुग्णांचा २ लाखांचा आकडा होणार क्रॉस​

खडकी, बोपोडी, सांगवी, दापोडी, पिंपळे गुरव या भागातील महिला व पुणे शहरातील कोणत्याही भागातील महिलांना संस्थेमार्फत काम मिळणार आहे. पॅकिंग केलेला माल ही संस्था परत घेईल यासाठी महिलांना भांडवल, कच्चा माल व मशिनरी व त्याचे प्रात्यक्षिक सुद्धा संस्थेमार्फत महिलांना देण्यात येणार असल्याची माहिती संस्थेच्या उपाध्यक्ष चंदा बोरकर यांनी दिली आहे.

ताज्या बातम्यांसाठी डाऊनलोड करा ई-सकाळचे ऍप

महिलांसाठी यामध्ये कोणतेही वेळेचे बंधन नसून दारोदारी फिरण्याची ही गरज नाही. सर्व काही महिलांना आपली नित्य घरातील कामे करून करता येईल संस्थेमार्फत पिंपळे गुरव येथील कार्यालयात महिलांची बैठक झाली. "स्मॉल स्केल इंडस्ट्रीज'चे अभय भोर यांच्या मार्गदर्शनाखाली स्पर्श संस्थेचे अध्यक्ष सुनील बुट्टे पाटील, उपाध्यक्ष चंदा बोरकर, परिमल कडलक, योगेश कदम, पुष्पलता वायाळ, शोभा चौधरी, नलिनी पाठक, योगिता माने, अलका व्यवहारे उपस्थित होते. 

व्यवसायाची वैशिष्ट्ये 
- कोणतेही भांडवल नाही 
- घरोघरी फिरण्याची गरज नाही 
- फावल्या वेळात करता येणारी कामे 
- शिवणकाम, पॅकिंग, खाद्यपदार्थ यावर आधारित व्यवसाय 
- शहरातील कोणत्याही भागासाठी उपलब्ध