पुणे :   भारतीय विद्या भवन पुणे केंद्राचे अध्यक्ष, माजी केंद्रीय सचिव पद्मभूषण डॉ. पद्माकर रामचंद्र दुभाषी यांचे सोमवारी सकाळी वृद्धापकाळाने निधन झाले. ते 90 वर्षांचे होते. त्यांच्या मागे पत्नी, विवाहीत मुलगा, कन्या, सूना, नातवंडे असा परिवार आहे.

समाजाच्या विघ्नहर्ता स्वरूपाचा अभूतपूर्व जागर; ‘सकाळ’चा उपक्रम

दुभाषी यांची प्रकृती शनिवार (ता. २९ ) पर्यंत उत्तम होती. गेल्या आठवड्यात त्यांनी भारतीय विद्या भवनचे कामकाज पाहून महत्त्वाच्या निर्णयांवर स्वाक्षऱ्या केल्या होत्या. मात्र, शनिवारी दुपारी अचानक त्यांची प्रकृती बिघडल्याने प्रयाग हाॅस्पिटलमध्ये त्यांना दाखल करण्यात आले. मात्र, उपचारादरम्यान सोमवारी सकाळी त्यांची प्राणज्योत मावळली. दुभाषी यांचा मुलगा परदेशात असून, मुलगी पुण्यात आहेत. मोजक्या लोकांच्या उपस्थितीत त्यांच्यावर सोमवारी दुपारी वैकुंठ स्मशानभूमीत अंत्यसंस्कार करण्यात आले, असे निकटवर्तीयांनी सांगितले. 

पुण्यात पावसाचा जोर ओसरणार; यंदा शहरात ५९४.२ मिलिमीटर पावसाची नोंद

डॉ. दुभाषी यांनी १९५३ मध्ये प्रशासकीय सेवेत काम सुरू केले. त्यांच्या ४० वर्षाच्या कारकिर्दीत राज्य व केंद्र शासनात विविध पदांवर काम केले. गोवा विद्यापीठाचे ते पहिले कुलगुरू होते. १९९० ते १९९५ या काळात त्यांनी विद्यापीठाचे कामकाज पाहिले. त्यांना अनेक पुरस्कारांनी सन्मानित करण्यात आले होते. त्यांनी प्रशासन, राज्यशास्त्र, अर्थ आदी विषयांवर २७ पुस्तके लिहिली. त्यामध्ये ६ मराठी पुस्तकांचा समावेश आहे. 
प्रशासकीय सेवेबद्दल त्यांना २०१० मध्ये पद्मभूषण पुरस्काराने सन्मानित करण्यात आले होते. गेल्या १२ वर्षापासून ते भारतीय विद्या भवन पुणे केंद्राचे अध्यक्ष होते. संस्थेच्या जडणघडणीत त्यांचा महत्वाचा वाटा होता.