- प्रकाश शेलार
खुटबाव : तालुका दौंड येथे यवत पोलिसांनी महिला चालवत असलेल्या गावठी दारूबट्टीवर छापा टाकीत १ लाख २६ हजारांचा माल जागीच पेटवून नष्ट केला. यासंदर्भात यवत पोलिसांना स्थानिक बातमीदारामार्फत खुटबाव परिसरातील मेहेर टुरिझमच्या पाठीमागे माटोबा तलावाच्या कडेला २ महिला दारू व्यवसाय करत असल्याची बातमी समजली.
माहिती समजतात शनिवार दिनांक २३ रोजी यवत पोलीस स्टेशनचे पोलीस निरीक्षक नारायण देशमुख यांनी पोलीस पथक तात्काळ संबंधित ठिकाणी कारवाईसाठी पाठवले.यावेळी पोलिसांनी आरोपी कमला निर्दोष नानावत (वय ५५ वर्षे राहणार गिरमेवस्ती खुटबाव ता.दौंड जि.पुणे) श्रीदेवी चंदरदेव गुडदावत( वय ४५ वर्ष, राहणार गिरमे वस्ती खुटबाव ) यांना ताब्यात घेतले.
घटनास्थळी ५ हजार लिटरचे कच्चे रसायन, १०५ लिटर गावठी हातभट्टी आदी माल सापडला.पोलिसांनी संबंधित मालावर कारवाई करत दारूचे ड्रम सहित सर्व माल जागेवरच पेटवून दिला., या कारवाईमध्ये पोलीस उपनिरीक्षक उत्तम कांबळे, हवालदार रामदास जगताप ,मोहन चांदणे, अक्षय यादव ,प्रमोद शिंदे, उमेश गायकवाड ,अजित इंगवले, प्रतीक्षा हांडगे यांनी सहभाग घेतला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.