- निलेश चांदगुडे
वडगाव : सिंहगड रस्त्यावरील हवेली पोलिस स्टेशन, पुणे ग्रामीण हद्दीत गुरुवारी (ता. २९) आगामी लोकसभा निवडणुकीच्या पार्श्वभूमीवर जिल्ह्यात कायदा व सुव्यवस्था अबाधित राहावी, समाजकंटकांवर व गुन्हेगारांवर वचक राहून निवडणुका भयमुक्त वातावरणात पार पडाव्यात यासाठी रूट मार्च काढण्यात आला.
सिंहगड रस्त्यावरील नांदेड, किरकटवाडी, कोल्हेवाडी, खडकवासला डोणजे व खानापूर आदी भागातून हा रूट मार्च काढण्यात आला. आगामी लोकसभा निवडणुकीत कायदा व सुव्यवस्था राखण्यासाठी जिल्हा प्रशासन व पोलिस दल सज्ज आहे, असा संदेश या रूट मार्चमधून देण्यात आला.
यावेळी केंद्रीय औद्योगिक सुरक्षा बल (CISF) चे ४५ जवान यांच्यासह तसेच हवेली पोलीस स्टेशन, पुणे ग्रामीणचे १० जवान पोलीस निरीक्षक सचिन वांगडे, सहाय्यक पोलीस निरीक्षक सागर पवार, दिलीप शिंदे तसेच पोलीस हवालदार संतोष तोडकर, पोलीस नाईक दीपक गायकवाड, संतोष भापकर, चंद्रकांत शिंदे यांचा या रूट मार्चमध्ये सहभाग होता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.