भाजप नेते मोहित कंबोज यांनी सुषमा अंधारेंची तुलना राखी सावंतशी केली होती. यानंतर आता राष्ट्रवादीच्या नेत्यारुपाली ठोंबरे यांनी मोहित कंबोज यांना संतप्त सवाल विचारला आहे. त्या म्हणाल्या कंबोज यांना सुषमा अंधारे जर राखी सावंत वाटत असतील तर त्यांना त्यांच्या बायकोमध्ये राखी सावंत का दिसत नाही?
मोहित कंबोज यांना त्यांच्या बायकोमध्ये राखी सावंत दिसली पाहिजे, असा घणाघात रुपाली ठोंबरेंनी केला. यानंतर जर कोणी असं बोललं तर त्यांची खैर नाही, अशा शब्दांत त्यांनी मोहित कंबोज यांना सुनावलं आहे.
मोहित कंबोज यांना जर शांत बसता येत नसेल तर त्यांनी तोंड गप्प ठेवावे. जर मोहित कंबोज यांनी तोंड गप्प ठेवलं नाही तर आमच्या महिलांचा राग काय आहे तो आम्हाला मुंबईत येऊन दाखवावे लागेल. असं म्हणत रूपाली ठोंबरे यांनी दम भरला आहे.
काय आहे प्रकरण?
मोहित कंबोज यांनी आपल्या ट्वीटमध्ये राखी सावंत आणि सुषमा अंधारे या बहिणी असल्याची टीका केली होती. तसंच दोघीही एकमेकींच्या स्पर्धक असल्याचंही मोहित कंबोज यांनी आपल्या ट्वीटमध्ये म्हटलं आहे.
आपल्या ट्वीटमध्ये मोहित कंबोज म्हणतात,"सुषमा अंधारे आणि राखी सावंत या दोघी बहिणी. एक महाराष्ट्राच्या राजकारणात तर दुसरी महाराष्ट्राच्या सिनेमात, या दोघीच एकमेकींच्या स्पर्धक आहेत. दोघींपैकी कोण जास्त सनसनाटी करणार यातच दोघींची स्पर्धा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.