पुणे : तळजाई टेकडीवरील सुमारे १०७ एकर जागेवर नियोजित केलेल्या जैवविविधता वसुंधरा प्रकल्पाचा सूक्ष्म प्रकल्प अहवाल (डीपीआर) तयार करण्यासाठीचा प्रस्ताव स्थायी समितीकडे मंजुरीसाठी प्रशासनाने सादर केला.’ हा प्रकल्प मार्गी लागल्यास तळजाईच्या सौंदर्यात आणखी भर पडणार आहे.

तळजाई टेकडीचा विकास करण्यासाठी या भागातील आजीमाजी नगरसेवकांमध्ये मोठ्याप्रमाणात वाद निर्माण झाले. तसेच कोरोनामुळे या प्रकल्पाबाबत निर्णय घेता आलेला नव्हता. अखेर प्रशासनाने तळजाईवर जैवविविधता प्रकल्प राबविण्यासाठी प्रशासनाने प्रस्ताव सादर केला आहे. यामध्ये पर्यावरणाचा समतोल राखण्यासाठी नागरिकांसाठी अनेक सुविधा निर्माण केल्या जाणार आहेत. सध्या या ठिकाणी क्रिकेट स्टेडिअम देखील तयार करण्यात आले आहे. शहराच्या मध्यवर्ती भागात १०७ एकर वर सुमारे १२० कोटी रुपये खर्च करून हा प्रकल्प पूर्ण होणार आहे

काही महिन्यांपूर्वी पालकमंत्री अजित पवार यांनी बैठक घेऊन हा प्रकल्प लवकर मार्गी लावण्याचे आश्‍वासन दिले होते, त्यानुसार आता प्रशासनाने हा प्रस्ताव ठेवल्याने हा प्रकल्प वेगाने पूर्ण होईल, असे काँग्रेसचे गटनेते आबा बागूल यांनी सांगितले.