पुणे (औंध) : पुलवामा येथे दहशतवाद्यांनी भारतीय सैन्यावर केलेल्या भ्याड हल्ल्याच्या निषेधार्थ संरक्षण विभागाच्या अॅम्युनिशन  फॅक्टरी, हाय एक्स्प्लोसीव्ह फॅक्टरीमधील कामगार व कुटूंबीय तसेच शिव डेअरी मीत्र परिवार यांच्यावतीने कडकडीत बंद पाळण्यात आला. रेंजहिल येथील बंदच्या आवहानाला येथील सर्व व्यावसायिक, दुकानदार यांनी पाठिंबा देत आपली दुकाने बंद ठेऊन हल्ल्याचा निषेध नोंदवला.
 

''भारत माता की जय'', ''वंदे मातरम'' घोषणा देत भारतीय सैन्याच्या सोबत आम्ही आहोत अशी भावना यावेळी व्यक्त केली गेली. तर पाकिस्तान मुर्दाबादच्या घोषणा देत पाकिस्तानी सरकार व दहशतवाद्यांचा निषेध करण्यात आला. तसेच याप्रसंगी पाकिस्तानी दहशतवाद्यांच्या प्रतिकात्मक पुतळ्याचे दहनही करण्यात आले .यावेळी मनोज पाल, अभिमन्यु पवार, राजेश मुथ्थू,  राकेश मद्री, राजू पटेल, अजिंक्य पलंगे, कैलास पहिलवान, संदिप ओव्हाळ, विनोद बहिरट, बाळा खरात,कुमार पाटील, गोपी शन्मुगम, विनोद परूळेकर यांनी यात सहभाग घेतला. तसेच कामगारांच्या कुटूंबियांसह जवळपास तीनशे जणांनी सहभागी होऊन  निषेध नोंदवला.


 

#WeCareForPune आम्ही आहोत पुण्याचे सजग नागरिक

तुम्ही सजग नागरिक आहात का? तुमच्या आजुबाजूला घडणार्‍या गोष्टी, तुम्हाला जाणवणार्‍या समस्या, त्यावरचे उपाय हे सगळे मांडण्यासाठी आता तुमच्यासाठी हक्काचे 'संवाद' हे माध्यम उपलब्ध करून देण्यात आले आहे. यासाठी 'सकाळ संवाद' मोबाईल अॅप्लिकेशन डाऊनलोड करा. त्याद्वारे तुम्ही आम्हाला फोटो, व्हिडिओ आणि बातम्या पाठवू शकता. हे करताना आपले संपूर्ण नाव आणि संपर्क क्रमांक आवर्जून द्या. #WeCareForPune या उपक्रममध्ये सहभाग घ्या. #SakalSamvad #WeCareForPune