आंबेगाव-शिरूर विधानसभा मतदारसंघ

अशी झाली लढत २०१९
विजयी उमेदवार : पक्ष : मिळालेली मते (मताधिक्य)
दिलीप वळसे पाटील : राष्ट्रवादी कॉंग्रेस : १,२६,२२० (६६८७५)

लोकसभा निवडणुकीत मिळालेल्या मताधिक्यामुळे महाविकास आघाडीतील इच्छुकांच्या संख्येत वाढ झाली आहे. राष्ट्रवादी कॉंग्रेसचा अनेक वर्षांपासूनचा बालेकिल्ला. मात्र, पक्षातील फुटीनंतर मतदारसंघावर कुणाचे वर्चस्व राहणार, हे सांगणारी निवडणूक. विद्यमान सहकारमंत्री दिलीप वळसे पाटील यांची शांत, संयमी राजकारणी म्हणून असलेली ओळख राष्ट्रवादीच्या बाजूने. शिवसेना उद्धव बाळासाहेब ठाकरे पक्षाकडूनही अनेकजण इच्छुक.

अशी आहे स्थिती :
१. राष्ट्रवादी काँग्रेस शरदचंद्र पवार पक्षाकडून भीमाशंकर कारखान्याचे माजी अध्यक्ष देवदत्त निकम, बांधकाम व्यावसायिक रमेश येवले हे इच्छुक. येवले यांनी मंचर, घोडेगाव, एकलहरे येथे कार्यालये उभी करून जनसंपर्क मोहीम तीव्र केली आहे. निकम यांनी मंचर येथे कार्यालय सुरू केले आहे.
२. शिवसेना उद्धव बाळासाहेब ठाकरे पक्षाचाही प्रभाव असल्याने सुरेश भोर, राजाराम बाणखेले यांच्याकडून उमेदवारीची मागणी.
३. १९९० पासून प्रत्येक निवडणुकीत शिवसेनाच उमेदवार. ५० ते ६० हजार हक्काचे मतदान असल्याचे शिवसेना उद्धव बाळासाहेब ठाकरे पक्षाचा दावा.
४. काँग्रेस पक्षाचे आंबेगाव तालुकाध्यक्ष राजू इनामदार यांनी उमेदवारीची मागणी केली आहे.
५. महायुतीकडून राष्ट्रवादी कॉंग्रेस पक्षाचे सहकारमंत्री दिलीप वळसे पाटील एकमेव उमेदवार आहेत. ते आठव्यांदा विधानसभा निवडणुकीला सामोरे जात आहेत.
६. विकास कामांसाठी मोठ्या प्रमाणात निधी आणण्यात यशस्वी. राज्य सरकारमध्ये दबदबा असलेले कार्यक्षम व अभ्यासू मंत्री म्हणून नावलौकिक.
७. भाजपचे पुणे जिल्हा संपर्कप्रमुख जयसिंग एरंडे यांच्याकडून दिलीप वळसे पाटील यांच्या उमेदवारीचे समर्थन.

निवडणूक मुद्दे
सातगाव पठार शेती पाणीपुरवठा योजना, म्हाळसाकांत शेती पाणीपुरवठा योजना, डिंभे धरणातून कमलजामाता, बोरघर व फुलवडे सिंचन उपसा, निघोटवाडी पांडवदरा पाझर तलाव.