पुणे : राष्ट्रवादी काँग्रेसचे आमदार रोहित पवार यांच्या मगरपट्टा परिसरातील जनसंपर्क कार्यालयाच्या आवारातील सायकल पेटवून देण्यात आल्याची घटना १५ जुलैच्या मध्यरात्री घडली. या प्रकरणी हडपसर पोलिसांनी तिघांविरुद्ध गुन्हा दाखल केला आहे.

या प्रकरणी सुनील महादेव पाटील (वय ३०, रा. भेकराई नगर, फुरसुंगी) यांनी फिर्याद दिली आहे. त्यावरून हडपसर पोलिस ठाण्यात तिघांविरुद्ध गुन्हा दाखल केला आहे. ही घटना १५ जुलैच्या मध्यरात्री घडली. सीसीटीव्ही चित्रीकरणामध्ये तीन अज्ञात व्यक्तींनी सायकलला आग लावल्याचे आढळून आले आहे.

हडपसर पोलिस आरोपींचा शोध घेत आहेत. दरम्यान, तक्रारदार आणि आरोपी यांच्यातील वैयक्तिक वादातून हा प्रकार घडल्याची शक्यता आहे, अशी माहिती अतिरिक्त पोलिस आयुक्त (पश्चिम प्रादेशिक विभाग) प्रवीणकुमार पाटील यांनी दिली.