पुणे - शाळेतील अल्पवयीन मुलींना व्हॉटसअ‍ॅपवर ‘आय लव्ह यू’चा मेसेज पाठवून त्यांचा विनयभंग करणाऱ्या एका शिक्षकाला पोलिसांनी अटक केली आहे. शाळेत ‘गुड टच, बॅड टच’ कार्यक्रमात समुपदेशनात या मुलींनी तक्रार केल्यानंतर हा धक्कादायक प्रकार उघडकीस आला.

याप्रकरणी एका महिलेने फिर्याद दिली आहे. त्यावरून या शिक्षकाविरुध्द कोंढवा पोलिस ठाण्यात विनयभंग आणि पॉक्सो कायद्यांतर्गत गुन्हा दाखल केला आहे. हा प्रकार नोव्हेंबर २०२२ ते २४ जानेवारी २०२३ या कालावधीत घडला.

पोलिसांनी दिलेल्या माहितीनुसार, हा शिक्षक एका शाळेत शारीरीक शिक्षण विषयाचा शिक्षक आहे. त्याने शाळेतील चार अल्पवयीन मुलींना व्हॉटसअ‍ॅपवर ‘आय लव्ह यू’ मेसेज पाठविला. तसेच, त्यांना जबरदस्तीने मिठी मारून विनयभंग केला.