पुणे - पुणे शहरामध्ये गेल्या काही दिवसांपासून कोयता बाळगून मध्यवर्ती भागात दहशत माजवण्याचे कृत्य सर्रास सुरू आहे. अशाच एका भयानक घटनेचा व्हिडिओ समोर आला आहे. या घटनेच्या व्हिडीओमुळे मुळशी पॅटर्न चित्रपटाची आठवण झाल्याशिवाय राहात नाही. (Pune Crime News in Marathi)

पुण्यातील भारती विद्यापीठ पोलीस स्टेशनच्या हद्दीमध्ये असणाऱ्या सिंहगड लॉ कॉलेज परिसरात दोन तरुणांनी हातात कोयते घेऊन दहशत मजावल्याचा धक्कादायक प्रकार समोर आला आहे.

या घटनेचा व्हिडिओ समोर आला असून सिंहगड लॉ कॉलेज रोडवर काल दोन तरुणांनी हातात चाकू सूरे घेऊन परिसरातील दुकानांमध्ये जाऊन अनेक लोकांना त्यांनी त्यांच्या हातातील शस्त्रांनी भोसकले. रस्त्यात जो दिसेल त्याला चाकू दाखवून भीती दाखविली जात असल्याने भीतीचे वातावरण निर्माण झाले होते. या हल्ल्यात एक जण जखमी देखील झाला.

हेही वाचा क्रेडिट कार्ड वापरताय...मग या गोष्टी माहिती हव्याच....

जखमी झालेल्या तरुणाला हॉस्पिटलमध्ये उपचारासाठी दाखल करण्यात आलं आहे. या घटनेची माहिती मिळताच सिंहगड रोड पोलिस ठाण्याचे मार्शल यांनी या दोघांना पाठलाग करून पकडले. मात्र यातील एक जण पळून गेला. एकाला पोलिसांनी ताब्यात घेतले असून तो अल्पवयीन असल्याचे समजते. तर दुसऱ्या आरोपीचे नाव करण दळवी असून पोलिस त्याचा शोध घेत आहेत. याप्रकरणी भरती विद्यापीठ पोलिस ठाण्यात गुन्हा दाखल करण्यात आला.

याआधी देखील दोघांनी एक किलो काजू कतली मोफत मिळावी यासाठी गोळीबार करण्याचा प्रयत्न केला होता. मात्र बंदुकीतून गोळी न चालल्याने मोठा अनर्थ टळला.