रणजीत तावरे यांची पुणे जिल्हा बॅंकेचे नवे संचालक पदी निवड झाली आहे. अजित पवार यांच्या जागी तावरे यांची निवड झाली आहे. रणजीत तावरे माळेगाव येथील राष्ट्रवादी काँग्रेसचे कार्यकर्ते आहेत. प्रतिभा पतसंस्था आणि राजहंस दुध उत्पादक संघाचे ते अध्यक्ष आहेत. अजित पवार यांनी राजीनामा दिल्याने ही जागा रिक्त झाली होती.

काही दिवसांपुर्वी पुणे जिल्हा मध्यवर्ती सहकारी बँकेच्या संचालक पदाचा अजित पवारांनी राजीनामा दिलेला होता. अजित पवारांनी राजीनामा दिल्याने हे पद रिक्त झाले होते. तर अजित पवारांच्या जागेवर त्यांचा मुलगा पार्थ पवार यांची नियुक्ती होण्याची शक्यता व्यक्त केली जात होती.

दरम्यान, बँकेच्या संचालक मंडळाची बैठक पार पडली. या बैठकीमध्ये रणजित तावरे यांची संचालक पदी नियुक्ती करण्यात आली आहे. ही निवड बिनविरोध झाल्याचे घोषित करण्यात आले.

रणजित तावरे हे अजित पवारांचे निकटवर्तीय आहेत. त्यामुळे अजित पवार यांनी संचालक पदाचा राजीनामा दिला जरी असला, तरी पुणे जिल्हा मध्यवर्ती बँकेवर अजित पवारांचं वर्चस्व असणार आहे.