Latest Pune Crime News
पुणे : अमली पदार्थ विभागाने लोहगाव परिसरात छापा टाकून एक कोटी रुपयांचे मेफेड्रोन जप्त केले आहे. या कारवाईत पोलिसांनी तिघांना अटक करण्यात आली आहे. लोहगाव येथील विघ्नहर्ता अपार्टमेंट परिसरात ही कारवाई करण्यात आली. साधारण अर्धा किलो मेफेड्रोनचा साठा पोलिसांकडून जप्त करण्यात आला आहे.
पोलिसांनी या कारवाईत श्रीनिवास संतोष गोदजे, रोहित शांताराम बेंडे आणि निमिष सुभाष आबनावे यांना अटक केली आहे. या प्रकरणी विश्रांतवाडी पोलिस ठाण्यात गुन्हा दाखल करण्यात आला आहे.
गोदजे, आबनावे आणि बेंडे यांच्याकडे अमली पदार्थांचा साठा असल्याची माहिती गुन्हे शाखेला मिळाली होती. ते मेफेड्रोन विक्री करण्याच्या तयारीत असल्याची माहिती मिळाली. त्यानंतर अतिरिक्त पोलिस आयुक्त शैलेश बलकवडे, उपायुक्त अमोल झेंडे यांच्या मार्गदर्शनाखाली अमली पदार्थ विरोधी पथकाच्या छापा टाकला.
काही महिन्यांपूर्वी ससून रुग्णालयाजवळ तब्बल दोन कोटी रुपयांचे मेफेड्रोन सापडले होते. तेव्हापासूनच सातत्याने पुण्यात अमली पदार्थ आढळून येत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.