बाप्पाच्या विसर्जन मिरवणुकीसाठी संपूर्ण पुणे शहर सज्ज झाले आहे. रस्त्या-रस्त्यांवर यावेळी भक्तांची गर्दी आहे. पुण्यातील प्रसिद्ध गणपतींच्या विसर्जन मिरवणुकीतील काही दृष्ये इथे बघा फोटोंच्या माध्यमातून.

पुण्यातील मानाचे पाचही गणपती मार्गस्थ झाले आहेत. इतर मंडळाचे गणपती देखील आता विसर्जन मिरवणुकीत सहभागी होत आहे. आपल्या लाडक्या बाप्पाला निरोप देण्यासाठी पुणेकरांनी मोठ्या प्रमाणात गर्दी केली आहे.

पुण्यातील अलका चौकात यावेळी भव्य रांगोळी काढण्यात आली. ही भव्य रांगोळी पुणेकरांचे आकर्षण ठरले.

ढोलताशांच्या गरजांसह मिरवणूक पुढच्या दिशेने निघतानाचे दृष्य.

यंदाच्या गणपती विसर्जनाला विविध उपक्रम राबवण्यात आले आहेत. यामध्ये पुण्यातील पोलीस बंदोबस्तात तृतीयपंथ्यांचाही समावेश दिसून येत आहे. या उपक्रमाचे सर्वत्र कौतुक होताना दिसतेय. 'इतर वेळी नाचायचो, आज सुरक्षेला आलो.' अशी प्रतिक्रिया त्यांनी माध्यमांनी दिलीय.

तांबडी जोगेश्वरी ढोलवाद्य पथकातील मुख्य आकर्षण कथकल्ली वेषभूषा सगळ्यांचे मुख्य आकर्षण ठरली.

पुण्यातील दगडूशेठ हलवाई गणपती आरतीनंतरची बाप्पाची झलक अशी काहीशी होती.