Pune Lok Sabha 2024: पुणे लोकसभा मतदारसंघात भाजपला विजयी हॅट्‌ट्रिक करण्याची संधी निर्माण झालेली आहे. या मतदारसंघातील सहापैकी चार विधानसभा मतदारसंघात भाजपचे आणि एका मतदारसंघात राष्ट्रवादी काँग्रेसचा आमदार असल्याने महायुतीचे वर्चस्व असल्याने भाजपसाठी सोपी मानावी अशी लढाई आहे. पण कसबा विधानसभेच्या पोटनिवडणुकीत काँग्रेसने भाजपला धोबीपछाड दिल्याने कॉँग्रेसलाही विजयाचे स्वप्न पडू लागले आहे. काँग्रेसने सक्षम उमेदवार दिला व गटबाजी टाळून एकदिलाने काम केले तर या निवडणुकीत चमत्कारही घडू शकतो. ही लढाई भाजपचे उमेदवार मुरलीधर मोहोळ आणि काँग्रेसचे उमेदवार रविंद्र धंगेकर यांच्यात असणार आहे.

२०१९ चे चित्र

गिरीश बापट (भाजप) विजयी मते : ६,३२,८३५

मोहन जोशी (काँग्रेस) मते : ३,०८,२०७

अनिल जाधव (वंचित) मते : ६४,७९३

नोटा मते : ११,००१

विजयी उमेदवारांचे मताधिक्य : ३,२४,६२८

वर्चस्व

२००४ : काँग्रेस

२००९ : काँग्रेस

२०१४ : भाजप

२०१९ : भाजप

सद्य:स्थिती

भाजपकडून माजी महापौर मुरलीधर मोहोळ यांना उमेदवारी जाहीर

विधानसभा मतदारसंघनिहाय भाजपच्या बैठका सुरू

‘मविआ’च्या जागावाटपाच्या चर्चेनंतर अखेर रवींद्र धंगेकर यांना उमेदवारी

अंतर्गत गटबाजी रोखण्याचे भाजपसह काँग्रेसपुढे आव्हान

‘कसब्या’तील पुनरावृत्तीची काँग्रेसला अपेक्षा; तर भाजपची सावध भूमिका

हे मुद्दे प्रभावी ठरणार

संथ गतीने होणारा मेट्रोचा विस्तार

पुरंदरचे आंतरराष्ट्रीय विमानतळ हवेतच आहे. निवडणुकांमध्ये केवळ चर्चा

शहरात अपुऱ्या पायाभूत सुविधा

पाणी पुरवठा, पर्यावरणाचा मुद्दा ऐरणीवर

मराठा, मुस्लिम, दलित, ओबीसी मतदारांची भूमिका ठरणार महत्त्वाची