महाराष्ट्र नवनिर्माण सेनेचे पुणे शहर अध्यक्ष असलेल्या साईनाथ बाबर यांच्या 16 वर्षीय मुलाला जीवे मारण्याची धमकी देण्यात आली आहे. आरती साईनाथ बाबर यांच्या म्हणण्यानुसार बाबरचा मुलगा सोसायटीतील इतर मुलांसोबत खेळत असताना धमकी दिली आहे. या प्रकरणी साईनाथ बाबर यांच्या पत्नी आरती बाबर यांनी कोंढवा पोलिसात तक्रार दिली आहे.

आरोपी महिलेचं नाव हवा पिर खान असं आहे. तिने साईनाथ बाबर यांच्या मुलाला शिवीगाळ करत जीवे मारण्याची धमकी दिली आहे. साईनाथ बाबर हे कायम चर्चेत राहिले आहे. कोरोना काळात त्यांनी शहवासीयांसाठी मोठे काम केले आहे. मनसे अध्यक्ष राज ठाकरे यांचे एकनिष्ठ तसेच एक कट्टर मनसैनिक म्हणून त्यांची पुण्यात ओळख आहे. या लहान मुलाला धमकी देण्यात आल्यामुळे संताप आणि निषेध व्यक्त केला जात आहे.

साईनाथ बाबर यांचा १६ वर्षाचा मुलगा सोसायटीत खेळत आसताना या महिलेने त्या ठिकाणी येऊन त्याला शिवीगाळ करत जिवे मारण्याची धमकी दिली आहे. या प्रकरणी साईनाथ बाबर यांच्या पत्नी आरती बाबर यांनी कोंढवा पोलिसात तक्रार दिली आहे.

दरम्यान याआधी पुण्यातील मनसेचे नेते वसंत मोरे यांच्या मुलाला देखील जीवे मारण्याची धमकी देण्यात आली होती. त्यांच्या मुलाच्या नावाने बनावट विवाह सर्टिफिकेट बनवून त्याचा दुरुपयोग करण्याची धमकी देण्यात आली होती. तसेच मोरे यांनी लवकरात लवकर 30 लाख रुपये द्यावे, अन्यथा तुमच्या मुलाला जीवे मारून टाकू, अशी धमकी दिल्याचे प्रकरण काही दिवसांपूर्वी समोर आले होते. आता मनसेच्या आणखी एका नेत्याच्या मुलास धमकी मिळाली आहे.