धायरी : कात्रज देहू बाह्य महामार्गावर नवले पुलाजवळ सिमेंटने भरलेला ट्रक उलटून अपघात झाला. अपघाता कारचा चुराडा झाला असून सुदैवाने अपघातात कोणतीही जीवित हानी झाली नाही तसेच दुचाकीचा देखील अपघात होऊन नुकसान झाले आहे.सदर अपघात सकाळी साडेदहाच्या सुमारास झाला असून, सकाळची कामाची वेळ असल्याने मोठी वाहतूक कोंडी झाली होती.
सकाळची कामाची वेळ असल्याने महामार्गावर मोठ्या प्रमाणावर वाहनांची वर्दळ असल्याने नवले पुलाखाली सिग्नल सुरू होते .सिमेंटने भरलेला ट्रक कात्रज कडून नवले पुलाच्या दिशेने येत होता. नवले पुलाजवळ सिग्नल लागताच ट्रकचा ब्रेक निकामी होऊन चालकाचा ट्रक वरील ताबा सुटल्याने सिग्नल जवळच मुख्य रस्त्यावर ट्रक उलटला.
अपघातात ट्रकने समोर असलेल्या चारचाकी गाडीला पाठीमागून येऊ आदळल्याने चारचाकीचे मोठे नुकसान झाले आहे. चारचाकी व दुचाकी चालक दोघे किरकोळ जखमी झाले आहे. जखमींना खाजगी रुग्णालयात उपचारासाठी दाखल करण्यात आले आहे.
अपघाताची माहीत मिळताच सिंहगड वाहतूक पोलीस ,सिंहगड पोलीसांनी घटनास्थळी जाऊन क्रेनच्या साह्याने उलटलेला ट्रक रस्त्याच्या बाजूला करण्यात आला. वाहतूक सुरळीत करण्यात आली. अशी माहिती सिंहगड वाहतूक विभागाचे सहाय्यक पोलीस निरीक्षक पांडुरंग वाघमारे यांनी दिली .
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.