प्रकाश शेलार

Daund News: हद्दीमध्ये गरदडेवस्ती येथे शेतीच्या बांधावरती गुरुवार दिनांक ३० रोजी दुपारच्या सुमारास बिबट्या कुजलेल्या अवस्थेत सापडला.

सदर बिबट्या लक्ष्मण गरदडे व सर्जेराव गरदडे या शेतकऱ्यांच्या बांधावरती सापडला. गावातील आबासाहेब चोरमले व जगदीश गरदडे यांनी सर्वप्रथम या परिसरात दुर्गंधी सुटल्याने पाहणी केली. त्यानंतर त्यांना सदर ठिकाणी बिबट्या मृत अवस्थेत सापडला.

अंदाजे ५ फुट लांब,२ फुट उंची असलेला मृत बिबट्या पाहण्यासाठी ग्रामस्थांनी गर्दी केली होती.

चोरमले यांनी या संदर्भात वनविभागाला कळवले. सायंकाळपर्यंत वनविभागाचे कर्मचारी आल्याचे समजते. या संदर्भात आबासाहेब चोरमले म्हणाले की, खोपोडी येथे बिबट्यांचा मोठ्या प्रमाणावर वावर वाढला आहे.crime

. ४ दिवसांपूर्वी ग्रामस्थांना या परिसरात बिबट्या दिसला होता. त्यानंतर आज मृत बिबट्याचे दर्शन झाले. विषबाधेमुळे किंवा उपासमारीमुळे सदर बिबट्याचा मृत्यू झाला असावा असा अंदाज आहे.