पुणे- पुण्याच्या शनिवारवाड्यामध्ये एक बेवारस बॅग आढळून आली आहे. त्यामुळे एकच खळबळ उडाली असून शनिवारवाडा परिसर रिकामा करण्यात आला आहे. शिवाय माहिती मिळताच पोलीस आणि बॉम्ब शोधक पथक शनिवार वाड्यात दाखल झाले आहे. शोध सुरु करण्यात आला आहे.
बॉम्ब शोधक आणि नाशक पथक घटनास्थळी आले आहे. मिळालेल्या माहितीनुसार, सकाळी साडेनऊच्या सुमारास शनिवार वाड्यासमोर एक बेवारस बॅस असल्याचा फोन पोलिसांना करण्यात आला होता. त्यानंतर बेवारस बॅग सापडल्याने पोलिसांनी बॉम्ब शोधक पथकाला बोलावले होते. त्यानंतर बॉम्ब शोधन पथकाने तपास सुरु केला आहे.
शनिवारी सुट्टी असल्याने मोठ्या संख्येने लोक शनिवार वाडा पाहण्यासाठी आले होते. पण, सदर घटनेमुळे एकच खळबळ उडाली. पोलिसांनी सर्व पर्यटकांना शनिवार वाड्यातून बाहेर काढले आहे. परिसराला घेरण्यात आले असून बॉम्ब शोधक आणि नाशक पथक आपले काम करत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.