‘नई हवाओ की शोहबत बिघाड देती हैं,

कबूतरों को खुली छत बिघाड देती हैं,

जो जुर्म करते हैं, इतने बुरे नहीं होते,

सजा न देके अदालत बिघाड देती हैं.’

दिवंगत कवी राहत इंदोरी यांची ही शायरी सध्या सोशल मीडियावर ट्रेंडिंगमध्ये आहे. कल्याणीनगरमधील अपघात प्रकरणात अल्पवयीन आरोपीला बाल न्याय मंडळाने ३०० शब्दांचा निबंध लिहिण्याची शिक्षा सुनावली. त्यानंतर सोशल मीडियावर निकालाविरोधात नाराजी व्यक्त येत आहे. कविता आणि व्यंगचित्रांच्या माध्यमातून नागरिक व्यक्त होत असून ‘पुणे ॲक्सिडेंट’ हॅशटॅग ट्रेंडिंगमध्ये आहे.

‘लायसन्स प्लीज... निबंध आहे’, ‘रस्त्यापासून दूर चाला, तुमच्यामुळे एखाद्याचा बहुमूल्य वेळ निबंध लिहिण्यात वाया जाऊ शकतो’ अशा पोस्ट सध्या व्हायरल होत आहे. एक प्रकारे न्यायव्यवस्थेच्या निकालावरच नागरिकांनी नाराजी व्यक्त केली आहे.

गाडीची पीयूसी नसलेल्या सर्वसामान्य नागरिकाला दिवसभर पोलिस ठाण्यात ठेवले जाते. मात्र, महागड्या गाड्या वापरणाऱ्या श्रीमंताच्या मुलाने दोघांना ठार केले, त्याला काही तासांत सुटका मिळते, असे म्हणत नेटकऱ्यांनी आपली नाराजी उघड केली आहे.