Bhor Latest Update: तालुक्यात सुरू असलेल्या मुसळधार पावसामुळे निरा देवघर आणि भाटघर धरणातून पाण्याचा विसर्ग मोठ्या प्रमाणात करण्यात आला आहे. नीरा नदीच्या पाणी पातळी मोठी वाढ झाली आहे.

रविवारी (ता.४) दुपारी भाटघर धरणाच्या जवळ असलेल्या सांगवी गुमा आणि हरतळी (ता खंडाळा जिल्हा सातारा) या गावांना जोडणाऱ्या पुलावरून पाणी वाहू लागले असल्यामुळे प्रशासनाने हा पूल वाहतुकीसाठी बंद केला आहे. त्यामुळे भोर - पुणे मार्गावरील वाहतूक ठप्प झाली.

रविवारी सकाळी फुलाच्या दोन फूट खाली पाणी होते. परंतु पावसाचा जोर असल्यामुळे पाण्याच्या पातळीत झपाट्याने वाढ झाली.

रविवारी दुपारी अडीच वाजता पुलावरून पाणी वाहू लागले. याची माहिती मिळताच तहसीलदार सचिन पाटील यांनी पुल वाहतुकीसाठी बंद करण्याच्या सूचना दिल्या. पोलिसांनी आणि सांगवी च्या ग्रामस्थांनी लगेच पुलाच्या दोन्ही बाजूकडे बांबू लावून फुल वाहतुकीसाठी बंद केला.

हरतळी येथील पुलावरून पाणी वाहू लागल्यामुळे हा पूल वाहतुकीसाठी बंद करण्यात आला आहे. भोरहून पुण्याला जाणारी वाहतूक ही भोर -शिंदेवाडी-सारोळा-कापूरहोळ मार्गे वळविण्यात आली आहे.

- अरुण कदम, निवासी नायब तहसीलदार भोर