Latest Pune News : मुसळधार पावसामुळे संपूर्ण नगररस्ता परिसरात जीवनमान विस्कळीत झाले. वडगाव शेरी, खराडी दर्गा परिसर, कल्याणीनगर, विमाननगर, विमानतळ परिसर, संजय पार्क, विमानतळ रस्ता हा संपूर्ण परिसर जलमय झाला होता. झाड पडणे, सोसायटीत पाणी भरणे, वाहने पाण्यात अडकणे, नदीकाठच्या भागात पाणी घुसणे यासोबतच सतत सुरू असलेला पाऊस यामुळे सगळीकडे दाणादाण उडाली.

नगर रस्त्यावर खराडी दर्गा परिसरात, फिनिक्स व शास्त्रीनगर चौकात पाणी साचले होते. त्यामुळे वाहतूक संथ होऊन दोन्ही बाजूंना वाहतूक कोंडी झाली. रामवाडी भुयारी मार्गात, कल्याणी नगर येथील सेंट अर्नोल्ड शाळेत जवळील नाल्यात पाणीच असल्यामुळे येथील वाहतूक बंद करण्यात आली होती.

बॉम्बे सर्फर्स कॉलनी मध्ये पावसाळी वाहिनी आणि सांडपाणी वाहिनी एकमेकांना जोडल्यामुळे सर्वत्र पाणी साचले होते. सुप्रभात सोसायटी इंद्रप्रस्थ सोसायटी येथे पाणी साचले. विमानतळा समोरील एरो मॉल समोरील रस्ता, फाईव्ह नाईन चौकाच्या अलीकडे रस्त्यावर, संजय पार्क, पुरु सोसायटीच्या रस्त्यावर , बेल वेदर सोसायटीसमोर रस्त्याला ओढ्याचे रूप प्राप्त झाले होते.

विमान नगर येथे राजीव नगर नॉर्थ जवळील नाला एका बांधकाम व्यवसायिकाने बुजवल्यामुळे या परिसरात पूरस्थिती निर्माण झाल्याचा आरोप येथील नागरिकांनी केला. विमान नगर येथील कैलास सुपर मार्केट चौक, गणपती मंदिर चौक, श्रीकृष्ण चौक येथे पूरस्थिती निर्माण झाली होती.

रामवाडी, सैनिक वाडी येथे सुद्धा पूरस्थिती निर्माण झाली. खराडी येथील गुलमोहर सोसायटीत बाहेरून येणारे ड्रेनेजचे पाणी तसेच पावसाचे पाणी एकत्रित रित्या सोसायटीत असल्याने सोसायटीत परिस्थिती निर्माण झाली.

—-----------------

पावसाचा फटका बसलेली ठिकाणे

* विमाननगर राजीव नगर नॉर्थ सोसायटी

* फाईव्ह नाईन चौक रस्ता

* संजय पार्क सोसायटी

* रामवाडी भुयारी मार्ग

*आर्नोल्ड शाळेसमोरील नाला

* बॉम्बे सॅफर्स कॉलनी

* खराडी दर्गा परिसर

*खराडी गुलमोहर सोसायटी

* उज्वल गार्डन सोसायटी

* सुप्रभात सोसायटी

* वडगाव शेरी स्मशानभूमी

*बेलवेडर सोसायटी रस्ता

* हरी नगर, कल्याणी नगर

* साईनाथ नगर वडगाव शेरी

*इंदिरा स्मृती सोसायटी वडगाव शेरी

*नगर रस्ता पाचवा मैल

*चंदन नगर खुळेवाडी फाटा

*खराडी सॉंग ऑफ जॉय सोसायटी समोरचा रस्ता