पुणे- पुण्यातील संगमवाडी येथे बागेश्वर धामचे पंडित धीरेंद्र शास्त्री (बागेश्वर बाबा) यांचा तीन दिवसांचा कार्यक्रम आयोजित करण्यात आला आहे. या कार्यक्रमात स्वयंसेवक आणि भक्त भिडल्याची माहिती मिळत आहे. स्वयंसेवक आणि भक्तांमध्ये हाणामारी झाली आहे. पोलिसांच्या मदतीने वाद मिटवण्यात आल्याचं कळतंय. साम टीव्हीने यासंदर्भातील वृत्त दिलंय.

निकम फार्म, संगमवाडी येथे बागेश्वर बाबा यांचा कार्यक्रम आयोजित करण्यात आलाय. यानिमित्त बागेश्वर बाबा सध्या पुणे दौऱ्यावर आलेले आहेत. त्यांच्या कार्यक्रमाला अनेक राजकीय नेते उपस्थिती लावण्याची शक्यता आहे. बागेश्वर बाबा यांना भेटण्यासाठी अनेक भक्त दरबारात येत असतात. यावेळी आलेल्या भक्तांचे आणि स्वयंसेवकांमध्ये हमरीतुमरी झाली. त्याचे पर्यावसान हाणामारीमध्ये झाले. वादाचे कारण समजू शकलेले नाही.

बागेश्वर बाबा यांनी काही दिवसांपूर्वी तुकाराम महाराजांबाबत यांच्याबाबत वादग्रस्त वक्तव्य केलं होतं. त्यानंतर त्यांनी माफी देखील मागितली होती. विविध शहरात भरणाऱ्या बागेश्वर बाबांच्या दरबारात हजारोंच्या संख्येने भक्त येत असतात. महाराष्ट्रातील दोन बड्या राजकीय नेत्यांनी त्यांची भेट घेतल्याचं बागेश्वर बाबा यांनी सांगितलं. हे दोन नेते कोण याबाबत त्यांनी सांगितलं नाही. (Latest Marathi News)