पुणे सोलापुर महामार्गावर वरवंड (ता.दौंड) येथे उस्मानाबाद जिल्ह्यातील शिवसेनेचे आमदार तानाजी सावंत यांच्या लॅन्डक्रुझर कारगाडीचा अपघात झाल्याची घटना घडली.सुदैवाने यामध्ये कोणालाच कसलीच इजा झाली नसल्याचे पोलिसांनी सांगितले आहे.

याबाबत पोलिसांनी माहीती दिली.शिवसेनेचे आमदार तानाजी सावंत ,सोनबा देवकाते तसेच त्यांच्या सोबत काही कार्यकर्ते कारगाडीतुन उस्मानाबाद येथुन पुणे सोलापुर महामार्गाने पुण्याकडे जात होते.शनिवारी (ता.४) रात्री अकरा वाजता वरवंड (ता.दौंड) हद्दीतुन जात असतानाना कौठीचा मळा येथे समोरील कंटेनर चालकाने बेजाबदारपणे कंटेनर अचानक दुसऱया बाजुला घेतला.त्यावेळी आमदार सावंत यांची गाडी व कंटेनरची धडक होवून अपघात झाला.यामध्ये कारगाडीचे काही प्रमाणात नुकतान झाले.

मात्र,यामध्ये गाडीतील कोणालाच जखमी किंवा इजा झाली नाही. माहीती मिळताच पाटस व महामार्ग पोलिसांनी घटनास्थळी धाव घेतली.अपघातग्रस्त वाहनांना बाजुला घेतले. कारगाडीचे चालक सोनबा देवकाते यांनी दिलेल्या फिर्यादीवरुन अपघाताचा गुन्हा दाखल करण्यात आला असल्याचे यवत पोलिसांनी सांगितले.