पुणे - विद्यार्थ्याला गुणपत्रक देताना पैसे घेतलेल्या सावित्रीबाई फुले पुणे विद्यापीठाच्या परीक्षा विभागातील वरिष्ठ सहायक (सर्वसाधारण) डॉ. संजय नेवसे यांच्यावर निलंबनाची कारवाई करण्यात आली आहे. महाराष्ट्र नागरी सेवा नियमानुसार डॉ. नेवसे यांचे निलंबन विद्यापीठ प्रशासनाने केले आहे. पुढील आदेश मिळेपर्यंत हे त्यांना निलंबित केले आहे.

कला पदवी अभ्यासक्रमाच्या (बी.ए) शेवटच्या वर्षाची गुणपत्रिका मिळविण्यासाठी विद्यार्थ्याकडून पैसे मागितल्याची तक्रार २६ ऑगस्ट रोजी विद्यापीठाचे कुलगुरू डॉ. सुरेश गोसावी यांच्याकडे आली आहे. संबंधित विद्यार्थ्याची गुणपत्रिका देण्यासाठी चार हजार रुपयांची मागणी केल्याचे आणि विद्यार्थ्याकडून तीन हजार रुपये घेऊन, त्याला गुणपत्रिका दिल्याची तक्रार आहे.

याबाबत डॉ. नेवसे यांनीही पैसे घेतल्याची कबुली देऊन सर्वासमोर पैसे परत केले प्रथम भंडारी या बी.ए.च्या  शेवटच्या वर्षाची गुणपत्रिका मिळविण्यासाठी आलेल्या विद्यार्थ्यांकडून पैसे मागितल्याची तक्रार अर्ज २६ ऑगस्ट रोजी विद्यापीठाचे कुलगुरू डॉ. सुरेश गोसावी यांच्याकडे आला आहे.

संबंधित विद्यार्थ्याला गुणपत्रिका दिली आणि त्याच्याकडून पैसे घेतल्याची कबुली देत या घटनेला वैयक्तिक जबाबदार असल्याचे डॉ. नेवसे यांनी कळविले आहे. या प्रकरणाची गांभीर्य पाहून विद्यापीठ प्रशासनाने डॉ. नेवसे यांच्यावर निलंबनाची कारवाई केली आहे.