पुणे : सावित्रीबाई फुले पुणे विद्यापीठाच्या प्रथम व द्वितीय वर्षाच्या ज्या विद्यार्थ्यांनी परीक्षा शुल्कही भरले आहे, त्यांना ते शुल्क परत मिळणार का?, तसेच ज्यांचे विषय बॅकलाॅग आहेत, त्यांच्या परीक्षा होणार का? याबाबत विद्यापीठाने खुलासा करून गोंधळ दूर करावा, अशी मागणी विद्यार्थ्यांनी केली आहे. 

- ताज्या बातम्यांसाठी डाऊनलोड करा ई-सकाळचे ऍप

राज्य सरकारने विद्यापीठाच्या परीक्षा कशा घ्यायच्या याचे नियोजन गुरुवारी (ता.८) जाहीर केले आहे. यामध्ये शेवटच्या वर्षातील विद्यार्थ्यांच्या अंतिम सेमिस्टरची परीक्षा घेतली जाणार आहे. तर प्रथम, द्वितीय आणि तिसऱ्या वर्षाच्या पहिल्या सत्राच्या विद्यार्थ्यांची परीक्षा होणार नाही, असे म्हटले आहे.  

- पुणेकरांच्या प्रश्नांना मिळाली उत्तरे; असा आहे तिसरा लॉकडाउन

पुणे विद्यापीठाने मार्च महिन्यात पदवीच्या सर्व अभ्यासक्रमाच्या परीक्षा सुरू केल्या होत्या. प्रथम, द्वितीय आणि तृतीय वर्षाचे काही पेपर झालेले आहेत. आता पुढील परीक्षा रद्द झाल्याने विद्यापीठाने परीक्षा शुल्क विद्यार्थ्यांना परत करावे. हे शुल्क पुढच्या वर्षीच्या परीक्षा शुल्कात जमा करू नये, अशी मागणी फर्ग्युसन महाविद्यालयाची विद्यार्थीनी शर्मिला येवले हिने केली आहे. 
पुणे विद्यापीठात दरवर्षी हजारो विद्यार्थी बॅकलाॅगची परीक्षा देतात.

- अजूनही हजारो विद्यार्थी पुण्यातच केवळ एक बस गेली बाहेर

सरकारने प्रथम, द्वितीय वर्षाची परीक्षा रद्द केली आहे, पण ज्यांचे विषय बॅकलाॅग आहेत, त्यांचे काय होणार याबाबत भूमिका स्पष्ट झालेली नाही. तसेच परीक्षा शुल्क भरलेल्या विद्यार्थ्यांना त्याचा परतावा करावा, अशी मागणी स्टुडंट हेल्पींग हँडचे अध्यक्ष कुलदीप आंबेकर यांनी केली आहे.

 - महाराष्ट्रानं राबवावा बारामती पॅटर्न, जाणून घ्या बारामतीच्या कोरोना लढाई विषयी...

शेवटच्या वर्षातील, शेवटच्या सत्राची परीक्षा होणार आहे, पण विद्यार्थ्यांना एटीकेटी असेल, तर त्यांची परीक्षासुद्धा जुलैमध्ये होणार का? जर होणार नसेल, तर त्यांचे वर्ष वाया जाईल, त्या विद्यार्थ्यांना दुसरीकडे प्रवेश घेता येणार नाही. याबाबत स्पष्टीकरण द्यावे, अशी मागणी युक्रांदचे शहर उपाध्यक्ष कमलाकर शेटे यांनी केली आहे.

- पुण्याच्या बातम्या वाचण्यासाठी येथे ► क्लिक करा