पुण्यातील शिवाजीनगर परिसरात एक गंभीर हत्या प्रकरण उघडकीस आले आहे. २६ ऑगस्ट रोजी मुठा नदीत सापडलेल्या शिर नसलेल्या मृतदेहाचा तपास पुणे पोलिसांनी यशस्वीपणे पूर्ण केला आहे. मृतदेह सकीना खान नावाच्या महिलाचा होता, तिची हत्या तिच्या सख्ख्या भाऊ आणि वहिनीने केली होती.
सकीना खान ह्या पुण्यातील पाटील इस्टेट भागातील एका खोलीत राहत होत्या. ती खोली सकीना खानच्या नावावर होती. त्यांच्या भाऊ अशपाक खान आणि वहिनी हमीदा यांच्याशी घराच्या मालकीच्या वादातून मोठा तणाव होता. दोघांनी मिळून सकीना खानची हत्या केली आणि घरातच धारदार शस्त्राने तिच्या मृतदेहाचे अनेक तुकडे केले. त्या तुकड्यांना मुठा नदीत फेकण्यात आले.
खोटी माहिती आणि शेजार्‍यांचे संशय
हत्या केल्याच्या दिवसापासूनच सकीना खानच्या गावाला गेल्याची खोटी माहिती शेजार्‍यांना देण्यात आली. त्यावेळी शेजार्‍यांनी सकीना खानच्या गायब होण्याबद्दल संशय व्यक्त केला आणि शिवाजीनगर पोलीस ठाण्यात तक्रार दाखल केली. पोलिसांनी त्वरित कारवाई करून तपास सुरू केला.
पोलिसांनी काटेकोर तपास करून अशपाक खान आणि हमीदा यांना अटक केली आहे. त्यांनी हत्या केलेल्या खोलीतून मिळालेल्या पुराव्यांच्या आधारे तपास केला आणि हे गूढ उकलले. या प्रकरणात पुणे पोलिसांची उल्लेखनीय कामगिरी झाली असून, त्यांनी हत्या प्रकरणाचा निकाल लावला आहे.
पाऊस अन् हत्या
सकीनाच्या हत्या घडल्याच्या दिवशी पुण्यात जोरदार पाऊस पडत होता. यामुळे हत्या करून मृतदेह नदीत फेकण्याची योजना आरोपींनी आखली होती. पुणे पोलिसांनी या प्रकरणात गुप्तचर प्रणालीचा वापर करून गुनहगारांचा शोध घेतला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.