हडपसर : येथील सन्मित्र सहकारी बँकेच्या चेअरमनपदी संजय शेवाळे यांची, तर व्हाइस चेअरमनपदी रेश्मा हिंगणे यांची बिनविरोध निवड करण्यात आली आहे. निवडणूक निर्णय अधिकारी तथा उपनिबंधक सहकारी संस्था पुणे शहर दिगंबर हौसारे यांचे अध्यक्षतेखाली बँकेच्या नवनिर्वाचीत संचालक मंडळाची सभा झाली. या सभेमध्ये ही निवडी करण्यात आली.

बँकेचे मार्गदर्शक माजी राज्यमंत्री बाळासाहेब शिवरकर, बँकेचे ज्येष्ठ संचालक चंद्रकांत ससाणे, यशवंत साळुंखे, सुनिल गायकवाड, रमेश काकडे, गणेश फुलारे, दिलीप टकले, प्रशांत तुपे, अभिजित शिवरकर, विजय राऊत, विजय कोद्रे, हेमंत गाढवे, योगेश गोंधळे, अमोल धर्मावत, सविता गिरमे, विशाल हाके तसेच मुख्य कार्यकारी अधिकारी सुहास आदमाने आदी यावेळी उपस्थित होते.

नवनिर्वाचित चेअरमन संजय शेवाळे गेली ३५ वर्षे बँकेचे संचालक आहेत. यापूर्वीही त्यांनी बँकेचे अध्यक्ष व उपाध्यक्ष म्हणून काम पाहिले आहे. उपाध्यक्षा रेश्मा हिंगणे यादेखील गेली ८ वर्षे संचालिक म्हणून काम पहात आहेत.