कोथरूड (पुणे) : कोरोनाच्या पार्श्‍वभूमीवर सध्या सुरू असलेल्या लॉकडाउनमुळे सध्या सगळीकडेच काम बंद असल्याने मजूर आपापल्या मूळगावी परत जात आहेत. असाच प्रकार मुळशीत घडला. मुळशी तालुक्‍यातील कासारअंबोली येथून एक गर्भवती महिला आणि 17 बीडला पायी निघाले होते. या मजुरांना तत्काळ सेवा फाउंडेशनने बसची सोय करून मदतीचा हात दिला. 

मध्य प्रदेशात निघालेले मजूर म्हणतायेत, `पैसे संपले, खायला अन्न नाही`

मुळशी तालुक्‍यातील कासारअंबोली येथून पायी बीडकडे निघालेल्या मजुरांना बावधन येथे सेवा फाउंडेशनच्या वतीने जेवणाची आणि इतर आवश्‍यक व्यवस्था करण्यात आली. या मजुरांशी चर्चा केली असता त्यांना लागलेली घराची ओढ आणि त्यात असलेले अडथळे पाहून कार्यकर्त्यांनी अवघ्या 24 तासात प्रवासाची तांत्रिक परवानगी मिळवली आणि त्यांना एका खासगी बसचे नियोजन करून रवाना केले. 

पालखी सोहळ्याचा निर्णय लवकरच

यावेळी तलाठी सागर शेलार, गोरख दगडे, उमेश दगडे, रामदास दगडे, अमोल दगडे, नागेश भुंडे, राजू भुंडे, शंकर तोडकर, मंदार जोशी, सारिका भुंडे, सीमा भालेराव आदी उपस्थित होते.

पुण्याच्या इतर बातम्या वाचण्यासाठी येथे- क्लिक करा

पायी जाण्याची मानसिकता केलेल्या मजुरांना बसची व्यवस्था केल्याचे समजल्यावर त्यांच्या चेहऱ्यावरील समाधान आम्हालाही आनंद देऊन गेले. अशी प्रतिक्रिया उपस्थितांनी व्यक्त केली.