Sharad Pawar: सत्तेचा गैरवापर करुन कोणी दमदाटी करत असाल तर त्यांना जागा दाखवा. शेतीचं पाणी कुणाच्या बापाची मालकी नाही. काही लोकांना सत्तेचा माज चढला आहे. देशात अनेक राज्यात भाजपची सत्ता नाही, असे शरद पवार इंदापुरात म्हणाले, सुप्रिया सुळे यांच्या प्रचाराच्या सांगता सभेत शरद पवार बोलत होते.

शरद पवार म्हणाले, माझा घसा बसला त्यामुळे सांभाळून घ्या...उन्हाळा आहे, सतत भाषणे याचा परिणाम घशावर झाला. ही निवडणूक देशाची आहे. देशाला नवीन रस्ता दाखवण्याची गरज आहे. त्यामुळे ही निवडणूक महत्वाची आहे. भाजपच्या हातात देशाचे राज्य आहे. संपूर्ण देशाचे राज्य दिल्यानंतर देखील ज्याप्रकारे ते निर्णय घेतात यावर देश नाराज आहे.

इंडिया आघाडी नवीन संघटन काढल्यानंतर परिस्थिती बदलत चालली आहे. देशात अनेक राज्यात भाजपची सत्ता नाही. भाजपचा पराभव आता करावा लागेल. देशात रोजगार नाही. भाजपवाले दमदाटी करत, दहशत माजवतात. या गोष्टीकडे बारकाईने पाहिले पाहिजे. जनतेला आता बदल हवा असल्याचे शरद पवार म्हणाले.

इंदापुरात एक आहेत, ज्यांना मी आमदार केलं, मंत्री केलं. विरोधकांना मदत केली तर शेतीचं पाणी बंद करु असं इथं सांगण्यात आलं. शेतीचं पाणी काय बापजाद्याची इस्टेट नाही, मी एवढेच सांगतो अरे मामा जरा जपून...कुणाला बोलतो..तुझं सर्व काढायला वेळ लागणार नाही, असा इशारा देखील शरद पवार यांनी दिला. (Baramati loksabha)

ज्यांच्यासाठी भूमिका घेतली त्यांचे पाय आज जमिनीवर नाहीत, हवेत आहे. सत्तेचा गैरवापर करु नका.  दमदाटी करत असताल तर १ ते २ दिवसात आम्ही तुम्लाहा जागा दाखवू शकतो, असे शरद पवार म्हणाले.