महाराष्ट्र पोलीस दलातील वरिष्ठ पोलीस अधिकारी विश्वास नांगरे पाटील वारंवार चर्चेत असतात. विश्वास नांगरे पाटील पुन्हा एकदा चर्चेत आले आहेत. विश्वास नांगरे पाटील पुण्याचे नवे आयुक्त होण्याची शक्यता असल्याच्या चर्चा आता सुरू आहेत. गृहमंत्रालयाच्या आदेशापुर्वीच विश्वास नांगरे पाटील पुण्याचे नवे आयुक्त असल्याचे स्टेटस दिसून येत आहे. शिवसेना शिंदे गटाच्या पदाधिकाऱ्यांने याबाबतचा स्टेटस ठेवला आहे. त्यामुळे आता विश्वास नांगरे पाटील पुण्याचे नवे आयुक्त होणार आहेत का अशा चर्चा आता सुरू झाली आहे.(Latest Marathi News)

गृहमंत्रालयाच्या आदेशापुर्वीच विश्वास नांगरे पाटील पुण्याचे नवे आयुक्त असल्याचे स्टेटस दिसून येत आहेत. शिवसेना शिंदे गटाच्या पदाधिकाऱ्यांने याबाबतचा स्टेटस ठेवला आहे.

गेल्या काही दिवसांमध्ये बदल्यांचे राजकारण मोठ्या प्रमाणावर दिसून येत आहे. अशातच आता नवे पुणे पोलीस आयुक्त कोण होणार याबाबतची उत्सुकता आहे. अशातच शिवसेनेच्या(शिंदे गट) एका पदाधिकाऱ्याने थेट विश्वास नांगरे पाटलांचा फोटो ठेवत हेच पुण्याचे पोलीस आयुक्त होणार आहेत का? असा स्टेटस ठेवल्याने शहरात चर्चा सुरू झाली आहे.(Marathi Tajya Batmya)

"बॉस लवकरच पुण्यात?" असा मजकूर लिहीत नांगरे पाटील यांचा फोटो लावून केलेल्या स्टेटसची पुण्यासह राज्यभरातील आयपीएस आणि वरीष्ठ अधिकारी यांच्यात चर्चा सुरू आहे. विश्वास नांगरे पाटील सध्या लाचलुचपत प्रतिबंधक विभागाचे अप्पर महासंचालक म्हणून कार्यरत आहेत.

दुसऱ्या बाजूला, नुकतेच रितेश कुमार यांनी पुण्यातील १०० टोळ्यांवर "मोक्का" अंतर्गत कारवाई करून नवीन विक्रम केला आहे. त्यांचा कार्यकाळ देखील पूर्ण झालेला नाही. मात्र, पुढील २,३ महिन्यात रितेश कुमार यांची पदोन्नती होत आहे. पुण्याची जबाबदारी कोणावर दिली जाणार यावरून चर्चा रंगू लागल्या आहेत. अशातच आता नांगरे पाटील यांच्या बद्दल शिवसेना पदाधिकाऱ्याने स्टेटस ठेऊन एका नवीन चर्चेला तोंड फोडले आहे. याबाबतचे वृत्त साम टिव्हीने दिले आहे.(Latest Marathi News)