पुणे - तुम्हाला क्रिकेट खेळायला आवडते? मग तुमच्या सोसायटीतील लहानथोरांना एकाच टीममध्ये या क्रिकेट सामन्यात खेळता येईल, अशी तुमची एकच टीम करण्याची संधी घेऊन आली आहे ‘सकाळ सोसायटी क्रिकेट लीग’. पुण्यातील हाउसिंग सोसायटीच्या या हाफ पीच क्रिकेट लीगची नावनोंदणी सुरू झाली आहे. 

सोसायटीत क्रिकेट खेळणारा प्रत्येक जण यामध्ये सहभागी होऊ शकतो. यात टेनिस बॉलचे हाफ पीच सामने असणार असून, रिव्हर्स ओव्हर आर्म बोलिंग असणार आहे. प्रत्येक इनिंग सहा ओव्हर्सची आहे. मात्र तुमच्या टीममध्ये वय वर्षे १२ ते ४५ हून अधिक वयाच्या खेळाडूंचा सहभाग बंधनकारक आहे. या लीगचा अर्ज गुरुवारी प्रसिद्ध झाला आहे. अर्ज स्वीकारण्याची अंतिम तारीख १० मार्च आहे. विजेत्या संघास पहिले एक लाखाचे बक्षीस असणार आहे. शिवाय, ‘मॅन ऑफ सिरिज’ला २५ हजार, ऑरेंज कॅप १० हजार, पर्पल कॅप १० हजार, बेस्ट फिल्डर पाच हजार, बेस्ट विकेट कीपर पाच हजार रुपयांची बक्षिसे असणार आहेत.

स्पर्धेचे नियम व संघाचे स्वरूप 
  नोंदणी - १० मार्चपर्यंत. प्रत्येक संघात ८ व चार राखीव खेळाडू.
    वयोगट    खेळाडूंची संख्या                     
    १२ ते १९ वर्षे    २ खेळाडू
    १९ ते ३५ वर्षे    ३ खेळाडू
    ३५ ते ४५ वर्षे    २ खेळाडू
    ४५+ वर्षे    १ खेळाडू
  अर्ज  www.sakalsports.com/sclpune या साइटवर ऑनलाइन भरावा किंवा सकाळ कार्यालय, बुधवार पेठ, शिवाजीनगर व ‘सकाळ’, पिंपरी कार्यालय, बी झोन बिल्डिंग, पाचवा मजला, पिंपरी येथील ड्रॉप बॉक्‍समध्ये टाकावा.
  संपर्क - ९५१८३०४३६१, ७५१७९६६७७२ व 
ई- मेल - scl2019@esakal.com