बारामती - शहराच्या मध्यवर्ती भागात फिरणा-या अज्ञात ड्रोनमुळे बारामतीकरांमध्ये काळजीचे वातावरण आहे. रात्रीच्या वेळेस भिगवण चौक परिसरात नगरपालिकेच्या इमारतीच्या वरील बाजूस तसेच आसपास हा ड्रोन फिरत होता, याचे व्हिडीओ चित्रीकरणच काही जणांनी केलेले आहे.
बारामती तालुक्याच्या जळगाव सुपे, उंडवडी कडेपठार, जराडवाडी, खराडेवाडी या परिसरातही गेले काही दिवस अज्ञात ड्रोन दररोज रात्री उडताना दिसत असल्याने त्या परिसरातही ग्रामस्थात भीतीचे वातावरण आहे. काल या परिसरात पोलिसांनी गस्त घातली, पण पोलिस येईपर्यंत ड्रोन गायब झाले होते.
दरम्यान बारामती शहरातही अज्ञात ड्रोन उडताना दिसल्याने काळजीचे वातावरण आहे. लाल व हिरव्या रंगाच्या छोट्या लाईटस या ड्रोनमध्ये होत्या व बराच काळ हा ड्रोन भिगवण चौकाच्या वरील बाजूस तरंगत असल्याचे छायाचित्रण काही जणांनी केले.
काही वेळानंतर हा ड्रोन गायब झाला. हे ड्रोन कोणाचे आहेत, कशासाठी ते उडविले जात आहेत, याची ना पोलिसांना माहिती आहे, ना इतर कोणत्याही प्रशासकीय यंत्रणेला, त्या मुळे या मागील गूढ अधिकच वाढले आहे. दरम्यान अतिरिक्त पोलिस अधीक्षक संजय जाधव व उपविभागीय पोलिस अधिकारी सुदर्शन राठोड यांनीही या प्रकाराची गांभीर्याने दखल घेतलेली
असून दररोज रात्री शहर व तालुक्यात गस्त वाढविण्यासह सर्वच पोलिस कर्मचा-यांना या प्रकारावर लक्ष ठेवण्याच्या सूचना देण्यात आल्या आहेत. दरम्यान बारामती व परिसरातील ड्रोन चालक व मालकांकडेही या बाबत पोलिस चौकशी करीत असून विमानतळाच्या रडारच्या मदतीनेही या ड्रोनचा शोध घेता येतो का हेही तपासले जात आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.