खेड-शिवापूर : कर्नाटकात महाराष्ट्रातील वाहनांची करण्यात आलेल्या तोडफोडीला पुण्यातील विश्रांतवाडी येथील स्वराज्य संघटनेच्या कार्यकर्त्यांनी प्रत्युत्तर दिले. पुणे-सातारा रस्त्यावरील खेड-शिवापूर टोल नाक्यावर मंगळवारी सायंकाळी स्वराज्य संघटनेच्या कार्यकर्त्यांनी कर्नाटकची बस अडवली. या बसची हवा सोडून बसवर जय महाराष्ट्र लिहून त्यांनी कन्नडीकांचा निषेध केला. गेल्या काही दिवसात कर्नाटकात महाराष्ट्रातील वाहने अडवून तोडफोड करून नुकसान करण्यात आले होते. तसेच महाराष्ट्र विरोधी घोषणा देण्यात आल्या होत्या. त्याला पुण्यातील विश्रांतवाडी येथील स्वराज्य संघटनेच्या कार्यकर्त्यांनी प्रत्युत्तर दिले.
पुण्यातील विश्रांतवाडी येथील स्वराज्य संघटनेच्या कार्यकर्त्यांनी मंगळवारी सायंकाळी कर्नाटक राज्य परीवहन मंडळाची बस खेड-शिवापूर टोल नाक्यावर अडवली. यावेळी कार्यकर्त्यांनी बसच्या चाकातील हवा सोडून बसवर जय महाराष्ट्र लिहून कन्नडीकांचा निषेध केला. सदर घटनेची माहिती मिळताच राजगड पोलीस घटनास्थळी दाखल झाले. स्वराज्य संघटनेच्या कार्यकर्त्यांना थांबवून सदर बस सोडून दिली. स्वराज्य संघटनेचे डॉ. धनंजय जाधव, गणेश सोनवणे, विनोद परांडे, अमोल वीर, निखिल काची , द्वारकेश जाधव, किरण राजपूत, विक्रम कदम, सुमित दरंदले, दादाराव बोबडे, आकाश लांडगे आदी यावेळी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.