रामवाडी : नगररोड भागात विमाननगर -सोमनाथनगर ,खराडी- चंदननगर ,वडगावशेरी-कल्याणीनगर, आणि लोहगाव या चार ही प्रभागात कोरोना रुग्ण संख्येत झपाट्याने वाढ होत आहे. यामध्ये 1 ते 15 वयोगटातील मुलांमध्ये कोरोना होण्याचे प्रमाण दिवसेंदिवस वाढत आहे. गेले अकरा दिवसांत 450 पर्यत संख्या पोहचली आहे. सर्दी खोकला ताप घशात खवखवणे असे कोणतेही लक्षणे दिसल्यास पालकांनी डॉक्टरांकडे वेळेत मुलांची तपासणी करून घ्यावी असे आवाहन नगररोड क्षेत्रीय कार्यालयाचे सहायक आयुक्त सुहास जगताप यांनी केले आहे.

वाढत्या कोरोनाच्या पार्श्वभूमीवर मुलां च्या आरोग्याच्या दृष्टीने शाळा बंद ठेवण्यात आल्या आहेत. मुलांचे ठराविक वेळे पर्यंत ऑनलाईन अभ्यास सुरू असतो ते संपल्या नंतर मुले एकत्रित येऊन क्रिकेट, फुटबॉल , बास्केट बॉल खेळणे,सर्वजण एकत्रित येऊन गप्पा मारणे हा प्रकार सुरू आहे.अशा वेळी ना तोंडाला मास्क बांधणे ना सोशल distance चे पालन करणे यामुळे मुलांमध्ये कोरोना वाढत आहे.पालकांमध्ये मुलांच्या आरोग्य विषय बाबत मात्र चिंता वाढलेली दिसुन येत आहे.

सुवर्णा जोगदंड : घरा बाहेर पडताना मुले मास्क बांधुन खाली खेळला येता त पण काही वेळा नंतर तो मास्क मुलांच्या कानावर,हनुवटी वर लोंबकळत असतो तर काही जण तर खिशात ठेवतात त्यामुळे लहान मुलांमध्ये कोरोना वाढत आहे. पालकांनी मास्कचे महत्त्व मुलांना समजावून सांगितले पाहिजे.

नगररोड क्षेत्रीय कार्यालय अंतर्गत -

दिनांक 9 जानेवारी ते 19 या कालावधीत 0 ते 15 वयोगटातील 450 मुलांना कोरोना झाला आहे.डॉक्टरांच्या सल्ल्याने औषध उपचार सुरू आहेत.सौम्य लक्षणे असल्याने होम आयसोलेशन वर भर दिला जात असल्याचे संबंधित आरोग्य विभागा कडून सांगण्यात आले आहे.