Pune News: सदाशिव पेठेतील खजिना विहीर विठ्ठल रुक्मिणी मंदिरातून चोरट्यांनी मूर्ती आणि चांदीची मखर चोरी केल्याचा प्रकार उघडकीस आला. या प्रकरणी विश्रामबाग पोलिसांनी गुन्हा दाखल केला आहे.

याबाबत गौरव ज्ञानेश्वर सिन्नरकर (वय ३८, रा. खजिना विहीर चौक, सदाशिव पेठ) यांनी विश्रामबाग पोलिस ठाण्यात फिर्याद दिली आहे. सदाशिव पेठेतील खजिना विहीर चौक परिसरात श्री विठ्ठल रुक्मिणी मंदिर आहे.

दुचाकीवरून आलेल्या तीन चोरट्यांनी मध्यरात्री मंदिराच्या मुख्य दरवाजासह कपाटाचे कुलूप तोडले. चोरट्यांनी कपाटातील पितळेच्या मूर्ती आणि चांदीची मखर असा सुमारे ४१ हजार रुपयांचा मुद्देमाल चोरी केला. पोलिसांनी मंदिराच्या परिसरातील सीसीटीव्ही चित्रीकरण ताब्यात घेतले आहे.