आंधळगाव, ता. ६ : ‘‘भरघोस यश मिळविण्यासाठी विद्यार्थ्यांनी नेहमी कष्ट करण्याची तयारी ठेवावी. अपार कष्ट केल्यास त्यांना नक्कीच चांगले यश मिळू शकते,’’ असे प्रतिपादन माजी सरपंच विजय कुसेकर यांनी केले.
महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने घेण्यात आलेल्या इयत्ता दहावी व बारावीच्या परीक्षेत आंधळगाव (ता. शिरूर) गावातील विशेष यश संपादन केलेल्या विद्यार्थ्यांचा व पालकांचा शिवशक्ती ग्रुपच्या पुढाकाराने सरपंच, ग्रामस्थांच्या वतीने सन्मान केला. यावेळी कुसेकर बोलत होते.
यावेळी बारावी उत्तीर्ण विद्यार्थ्यांचा व पालकांचा ग्रामस्थांच्या वतीने सन्मान करण्यात आला. यावेळी माजी सरपंच विजय कुसेकर, उपसरपंच ज्ञानेश्वर सोनवणे, चंद्रकांत कुसेकर, ग्रामपंचायत सदस्य रामभाऊ कोळेकर, महेश नलगे, प्रसन्न देवधर, मानसिंग दिवेकर, संदीप सोनवणे, राजाराम कुसेकर, मिलिंद सरोदे, संतोष सरोदे, केशव कुसेकर, चेतन कुसेकर, अमोल दाभाडे आदी उपस्थित होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.