आळेफाटा, ता.६ : जुन्नर कृषी उत्पन्न बाजार समितीच्या आळेफाटा बाजार समितीत गुरुवारी (ता.६) डाळिंबाच्या २० किलोच्या एका क्रेटला पाच हजार ५०० रुपयांचा बाजारभाव मिळाला आहे. बाजारात ४०० क्रेट विक्री झाली.
बाजारात डाळिंबाच्या एका क्रेटला चार हजार ५००, तीन नंबरला तीन हजार, एक नंबर डाळिंबास तब्बल ५ हजार ५०० रुपयांचा बाजारभाव मिळाला आहे.
कांद्याप्रमाणेच आता डाळिंबाचे देखील लिलाव मोठ्या प्रमाणावर होऊ लागले आहेत, अशी माहिती सभापती संजय काळे, सचिव रूपेश कवडे संचालक नबाजी घाडगे, व्यवस्थापक प्रशांत महांबरे यांनी दिली.
दरम्यान, बाजार समितीत पारनेर, संगमनेर, श्रीगोंदा, कर्जत, जामखेड, शिरूर, नगर येथून शेतकरी डाळिंब विक्रीसाठी येत असतात. त्यामुळे पुणे आणि नगर जिल्ह्यासाठी ही महत्त्वाची बाजार पेठ आहे. हे मार्केट कांदा लिलावासाठी प्रसिद्ध आहे पण डाळिंबाला देखील चांगला बाजारभाव मिळत असल्याने डाळिंबासाठी ही बाजारपेठ आता चर्चेत येऊ लागली आहे तसेच डाळिंबाची आवक कमी होत चालल्याने डाळिंबाच्या बाजारभावात वाढ झालेली आहे, अशी माहिती डाळिंब आडतदार प्रवीण लेंडे, विशाल कुटे, पप्पू सरोदे, संदीप लोढा, गणेश गडगे, निशिकांत ढोमसे यांनी दिली.
04716
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.