पारगाव, ता. ११ : मांदळेवाडी (ता. आंबेगाव) येथील श्री हनुमान यात्रोत्सवानिमित्त मंगळवारी (ता. १४) व बुधवारी (ता. १५) बैलगाडा शर्यतीचे आयोजन केले असून, विजेत्या बैलगाडा मालकांना एकूण रोख साडेचार लाख रुपये, तसेच एक मोटारसायकल, दोन फ्रिज, दोन एलसीडी टीव्ही, दोन सायकली, दोन कुलर व चषक बक्षीस देण्यात येणार आहे. तसेच, बुधवारी (ता. १५) रात्री ९ वाजता हिंदवी पाटील प्रस्तुत ‘हिऱ्याची हिरकणी’ हा लावण्यांचा कार्यक्रम होणार आहे.
बैलगाडा शर्यतीमधील विजेत्या प्रथम क्रमांकासाठी एक लाख रुपये व फळी फोडसाठी दोन फ्रिज, द्वितीय क्रमांकासाठी ७५ हजार रुपये व फळी फोडसाठी दोन एलसीडी टीव्ही, तृतीय क्रमांकासाठी ५१ हजार रुपये व फळी फोडसाठी दोन सायकली, चतुर्थ क्रमांकासाठी ३१ हजार रुपये व फळी फोडसाठी दोन कुलर बक्षीस दिले जाणार आहे. एक नंबर फायनलसाठी ३१ हजार एक रुपये, दोन नंबर फायनलसाठी २१ हजार एक रुपये, तीन नंबर फायनलसाठी ११ हजार एक रुपये, चतुर्थ फायनलसाठी नऊ हजार एक रुपये, घाटाचा राजा ११ हजार १११ रुपये व चषक, वीस फुटांवर कांडे जोडणाऱ्या बैलगाड्यास पाच हजार ५५५ रुपये व दोन दिवसांत सर्वांत आतून येणाऱ्या गाड्यास एक मोटारसायकल बक्षीस देण्यात येणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.