भिगवण, ता. १४ : भिगवण व परिसरातील तक्रारवाडी, मदनवाडी, डिकसळ (ता. इंदापूर) येथे वादळी वाऱ्यासह ४० मि.मि. इतका विक्रमी वळवाचा पाऊस झाला. पावसामुळे आंबा, केळी आदी फळबागांचे मोठे नुकसान झाले. फळबाग शेतकऱ्यांच्या हातातोंडाशी आलेला घास अवकाळी पावसाने हिरावल्यामुळे शेतकरी हवालदिल झाला आहे.
इंदापूर तालुक्यातील भिगवण, तक्रारवाडी, मदनवाडी, डिकसळ परिसराला सोमवारी (ता. १३) सायंकाळी सातच्या सुमारास वादळी वाऱ्यासह जोरदार वळवाच्या पावसाने तडाखा दिला. सायंकाळी सातच्या सुमारास जोरदार वादळी वारे वाहू लागले. वादळी वाऱ्यामुळे अनेक वृक्ष उन्मळून पडले तर वाऱ्यामुळे वीज पुरवठा अनेक ठिकाणी खंडित झाला. सायंकाळी साडेसातच्या सुमारास जोरदार पावसाला सुरुवात झाली. सुमारे तासभर झालेल्या पावसामुळे रस्त्यावर पाणीच पाणी झाले होते. सखल भागामध्ये सर्वत्र पाणी साचले होते. इंदापूर तालुक्यामध्ये आंबा, केळी आदी फळबागा मोठ्या प्रमाणात आहेत. पावसामुळे या फळबागांचे मोठे नुकसान झाल्याचे या भागातील शेतकऱ्यांनी सांगितले. येथील महाबॅंक ग्रामीण विकास केंद्रातील पर्जन्य मापकावर ४० मि.मि. पावसाची नोंद झाली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.