बारामती, ता. ४ : शहरातील भिगवण रस्त्यावरील एलआयसी कार्यालयात चोरट्यांनी गुरुवारी (ता. ४) पहाटे चोरीचा प्रयत्न केला. सुदैवाने यात चोरट्यांच्या हाताला काहीच लागले नसले, तरी तब्बल पाच कुलपे तोडून कार्यालयात केलेला प्रवेश बारामतीकरांची झोप उडविणारा ठरला आहे.
याच कार्यालयाखालच्या मजल्यावर स्टेट बँक असून, तेथे मोठ्या प्रमाणावर रोकड कायमच असते. या पार्श्वभूमीवर चोरीची ही घटना गंभीर आहे. याबाबत एलआयसीचे बारामतीचे व्यवस्थापक हेमंत अनंत जोशी यांनी शहर पोलिसात फिर्याद नोंदविली.
भिगवण रस्त्यावर स्टेट बँक व एलआयसीच्या कार्यालयाच्या रस्त्यावर चोवीस तास वर्दळ असते. अशा कार्यालयातील पाच कुलपे तोडून मुख्य कार्यालयात प्रवेश ही धाडसी चोरी मानली जात आहे.
चोरी केल्यानंतर हातात काहीही न लागल्याने चोरट्यांनी सीसीटीव्हीचा डीव्हीआरच चोरुन नेला. हा डीव्हीआर चोरुन नेल्याने तपासात अडथळा निर्माण होणार आहे. स्टेट बँकेच्या आतील बाजूस दोन सुरक्षा रक्षक रात्रीच्या वेळेस असतात, मात्र ते बँकेच्या आत असतात. त्यामुळे बाहेरील बाजूचे त्यांना काही समजत नाही. आज सकाळी नेहमीप्रमाणे स्वच्छता करणारा कर्मचारी आल्यानंतर हा चोरीचा प्रकार समोर आला. या प्रकरणी पोलिसांनी तपास सुरु केला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.