बारामती, ता. २३ : उजनी जलाशयामध्ये बोटिंग किंवा नौकाविहाराची परवानगी नसतानाही अनेक वर्षांपासून बेकायदा बोट चालविल्या होत होत्या. ही बाब माहिती असूनही त्या विरुध्द कारवाई न केल्याबद्दल उजनी धरण प्रशासनासह महसूलविभागाच्या अधिकाऱ्यांवर कारवाईची मागणी ग्राहक संरक्षण परिषदेचे सदस्य ॲड. तुषार झेंडे पाटील यांनी राज्याच्या मुख्य सचिवांकडे केली आहे. भंगारातून खरेदी केलेल्या बोटींचा होणारा वापर, सुरक्षिततेसाठी लाइफ जँकेट नसणे यासह परवानगी नसताना बोटींग किंवा नौकाविहार करणे या बाबत बेकायदा आहेत. याबाबी होत असल्याची माहिती असूनही उजनी धरण प्रशासन व महसूल विभागाने या रोखण्यासाठी काहीही केलेले नाही. सन २०१७ मध्येही बोट उलटून सहा डॉक्टरांचा दुर्दैवी अंत झालेला होता. त्या नंतरही प्रशासनाला जाग आली नाही. प्रशासनाच्या दुर्लक्षामुळे पुन्हा एकदा सहा जणांचा जीव गेल्याने या बाबत कारवाई व्हावी व मृतांच्या नातेवाइकांना मुख्यमंत्री सहायता निधीतून प्रत्येकी पाच लाखांची मदत व्हावी अशी मागणी अँड. झेंडे यांनी केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.