सासवड शहर, ता. २५ : येथे श्री हनुमान जन्मोत्सव उत्साहात साजरा केला. या निमित्ताने शिवतीर्थ ते चांदणी चौक अशी मिरवणूक काढण्यात आली. या सोहळ्यात प्रामुख्याने श्री हनुमंतरायांची भव्य देखणी मूर्ती आणि नयनरम्य दिव्यांनी सजवेलेला रथ होता. हजारोच्या संख्येने संपूर्ण पुरंदर तालुक्यातील श्री हनुमान भक्त गोरक्षक तसेच धारकरी वर्ग सहभागी होता.
जय श्रीराम, जय हनुमान, छत्रपती शिवाजी महाराज आणि धर्मवीर छत्रपती संभाजी महाराज यांच्या घोषणांनी संपूर्ण सासवड शहर दुमदुमून निघाले होते. श्री हनुमान मंदिर सासवड येथे मिरवणुक आल्यानंतर श्री हनुमंतरायांची आरती करून कार्यक्रमाची समाप्ती केली.
या कार्यक्रमाचे आयोजन सरसेनापती हंबीरराव मोहिते गोशाळेचे संस्थापक अध्यक्ष पंडित मोडक आणि श्री शिवप्रतिष्ठान हिंदुस्थान पुरंदरच्या धारकऱ्यांनी केले.